Aaj achaanak se
kisi ne poochh hee liya
“Kya miyaan!
Nahin likh rahe ho aajkal
wohi roz ki kavitaayen tum apni?
Lagta hai,
bahut khush ho in dinon tum”

Daftar se ghar tak ka
kuch ghante ka safar
isi uljhan mein beet gaya….

Kyun raaste mai bheek mangte,
bachche ka drishya,
mann mein koi kavita nahin la paaya?

Kyun raste ke ek park mein,
bench pai bhete jodi ka nazaara,
mann mein koi kavita nahin la paaya?

Kyu raaste pai ladte log
kyu ek dusare ko safai dete hue
mann mein koi kavita nahi la paya?

School mai bacche ko chod te
maa or bacche ka drishya
mann mein koi kavita nhi la paya?

Raaste mai shamshan ghat ka drishya
Ajeeb riste ka drishya
mann mein koi kavita la paya?

Kyun pyaar ke bichhad jaane ka gam,
mann mein koi kavita nahin la paaya?

Aur isi uljhan ko ko suljhaate hue,
ghar pahuncha hee thaa,
ki achaanak yaad aayi,
uss shakhs ki baat,
“…Lagta hai,
bahut khush ho in dinon tum”

Chain ki saans lete hue,
mann bola,
“Haan.
Bahut khush hoon, in dinon main”